Cik kumaha, naha bade macet wae jalan Cimanuk sareng Pramuka teh? Eta jalan payuneun Ciplaz tiasa didamel saarah teu, supados teu macet ku kendaraan nu kaluar-lebet ti Ciplaz atanapi IBC?. Teras pami tisa mah milarian deui cara supados kendaraan teu tiasa belok di pertigaan Cimanuk. Nu barelok ti dinya sok ngamacetkeun dugi ka bunderan Leuwidaun. Percuma aya rambu larangan belok oge, da disiplin pengendara na pami aya aparat hungkul. Aya aparat enjing atanapi sonten oge kadang teu sarieun pami teu aya penilangan mah.
Ulah aya oge terminal bayangan di bunderan jl pramuka, sok ngamacetkeun. Alihkeun wae ka lebet Islamic Center, supados wisatawan nu turun ti statsiun tiasa neraskeun perjalanan naek angkot ti dinya. Moal leres pami aya halte oge, da jalan na alit. Kedah na mah trotoar ti Statsiun ka Ciplaz dinormalisasi, supados wisatawan nu turun ti Statsiun teh raos mapah ka hotel di Ciplaz. Pami pengalaman berkendara sareng mapah teu nyenangkeun, wisatawan moal hoyong uih deui ka Garut, kecuali kapaksa.
#PersepsiCahyana
0 comments :
Posting Komentar
Terima kasih atas kunjungan dan komentarnya